Së shpejti, zgjedhje lokale në dy komuna të Kosovës

Për çfarë biseduan presidenti Thaçi dhe Valdete Daka

Është bërë e ditur se Presidenti i vendit, Hashim Thaçi, sot ka takuar Kryetaren e Komisionit Qendror të Zgjedhjeve, Valdete Dakën, me të cilën kanë biseduar për organizimin e zgjedhjeve të jashtëzakonshme në Podujevë dhe Mitrovicën e Veriut, transmeton albinfo.ch.

Kjo pasi këto komuna tash e disa kohë kanë mbetur pa kryetarë, pasi këta morën pozita në Qeverinë e Kosovës.

Po ashtu, në mbështetje të nenit 6 të Ligjit Nr. 03/L-094 për Presidentin e Republikës së Kosovës, nenit 4 të Ligjit nr. 03/L-072 për Zgjedhjet Lokale në Republikën e Kosovës, si dhe duke marrë parasysh kërkesën e Komisionit Qendror të Zgjedhjeve, Presidenti i Republikës së Kosovës kishte shtyrë mbajtjen e zgjedhjeve të jashtëzakonshme për Kryetar në Komunën e Podujevës dhe në Komunën e Mitrovicës së Veriut, me qëllim të parandalimit të përhapjes së pandemisë COVID-19.

Pas këtij takimi, dy palët me gjasë mund të kenë diskutuar për një datë të mundshme të organizimit të zgjedhjeve. /Albinfo.ch

 

 

---