Roche do të prodhojë qindra milionë teste të shpejta në muaj

Një test i tillë mund të kryhet edhe nga njerëz që nuk kanë përgatitje mjekësore dhe prandaj do të ishte i përshtatshëm për t`u përdorur në aktivitete me numër të madh pjesëmarrësish

Kompania e madhe farmaceutike zvicerane Roche, me seli në Bazel planifikon të prodhojë qindra miliona teste të shpejta të koronave në muaj.

Sipas kryemenaxherit të kompanisë, Severin Schwan, roche dëshiron të rrisë numrin e testeve të shpejta të antigjenit për zbulimin e infeksioneve të koronavirusit dhe përfundimisht të arrijë nivelet prej qindra milionash në muaj, shkruan sda.ch.

Ndërkaq, sa u përket testeve PCR për të zbuluar patogjenin, numrat do të mbesin në nivelin prej dhjetra milionëve në muaj, ka thënë Schwan të enjten, në një konferencë në internet, trandmeton albinfo.ch. Tregu për testet e koronavirusit është i siguruar plotësisht.

Roche aktualisht po zhvillon një test të shpejtë duke përdorur një mostër pështyme, ka shpjeguar më tutje Schwan. Një test i tillë mund të kryhet edhe nga njerëz që nuk kanë përgatitje mjekësore dhe prandaj do të ishte i përshtatshëm për t`u përdorur në aktivitete me numër të madh pjesëmarrësish.

Për testet e shpejta, rezultatet e të cilave janë në dispozicion brenda 15 minutash, aktualisht kërkohet një shtupë në nazofaringë dhe për ta përdorur, kërkohet personel përgatitur profesionalisht.

 

 

---