Franca po planifikon të transferojë pacientët Covid-19 në Gjermani

Spitalet franceze nën presion për të filluar dërgimin e pacientëve Covid-19 në Gjermani

Franca po planifikon të transferojë pacientët Covid-19 në Gjermani për trajtim brenda ditësh, ndërsa disa spitale janë ndodhur nën presionin e rasteve të virusit, thanë autoritetet nga një Federatë spitalesh në Francë, tranmseton albinfo.ch.

Franca ka regjistruar 60,486 raste me koronavirus në 24 orët e fundit, duke thyer sërish rekord për sa u përket rasteve ditore. Sipas të dhënave të fundit nga Universiteti Johns Hopkins, rastet e konfirmuara në vend kanë shkuar në 1.7 milion.

Disa pacientë në rajonin verior të Hauts-de-France, të prekur rëndë do të transferohen në Gjermani, si dhe pjesë të tjera të Francës, tha Frederic Valletoux, presidenti i federatës së spitaleve FHF.

Masa vjen ndërsa qeveria duket se po konsideron rivendosjen e një shtetrrethimi natën në Paris, përveç masave të tanishme të mbylljes, për ta bërë më të vështirë mbarimin e rregullave të bllokimit.

Kryeqyteti dhe rrethinat e tij janë goditur rëndë nga rastet spirale të koronavirusit, me spitalet që mbushen shpejt.

“Disa rajone po ndiejnë presion të madh”, u tha Valletoux gazetarëve.

Transferimet e pacientëve nga rajoni Hauts-de-France në Gjermani ishin planifikuar brenda 10 ditëve të ardhshme, kur njësitë e kujdesit intensiv në Francë pritet të arrijnë pikën e ngopjes, tha ai.

Disa pacientë tashmë ishin transferuar në spitale të tjera në Francë, veçanërisht Brittany ku rastet e Covid janë relativisht të rralla, tha ai.

Gjatë kulmit të valës së parë të rasteve në mars dhe prill, Franca duhej të dërgonte dhjetëra pacientë në Gjermani si dhe Austri, Luksemburg dhe Zvicër, si dhe transferimin e pacientëve në rajone më pak të prekura të Francës në trena të përshtatur posaçërisht. /Albinfo.ch

 

---