Lajme

Ambasadori i Kosovës në Berlin: Turkish Airlines e ndryshon “Priština” në “Prishtina”

E premte, 3 Korrik 2026 - 16:40 albinfo.ch
Foto fb: Faruk Ajeti
Ambasadori i Kosovës në Berlin, Faruk Ajeti ka njoftuar se pas reagimit të qytetarëve dhe angazhimit të vazhdueshëm diplomatik, kompania ajrore Turkish Airlines ka korrigjuar emërtimin e destinacionit të Aeroporti Ndërkombëtar i Prishtinës “Adem Jashari” në versionin gjerman, duke e ndryshuar nga “Priština” në “Prishtina”.
Ajeti ka bërë thirrje që të lajmërohen rastet kur qytetet e Kosovës nuk paraqiten në mënyrë korrekte.
“Ky është një shembull tjetër i qartë se reagimi qytetar dhe diplomacia aktive japin rezultate konkrete. Nëse hasni ndonjë institucion apo kompani gjermane ku Republika e Kosovës apo qytetet tona nuk paraqitet në mënyrë korrekte, ju lutemi të na shkruani në [email protected], duke bashkëngjitur dëshmitë përkatëse, në mënyrë që këto pasaktësi të adresohen dhe korrigjohen. Vazhdojmë së bashku drejt sukseseve të radhës!”, ka shkruar ai, transmeton albinfo.ch.

 Të tjera nga Lajme

Gjermania prezanton reforma të mëdha: Ndryshojnë rregullat për pushimet mjekësore, tatimet dhe kontratat e punës

 E-Diaspora

 Jeta në Zvicër