Spanja mposht bindshëm Austrinë dhe siguron kualifikimin

Spain's Mikel Oyarzabal, left, celebrates with teammates after scoring his side's opening goal during the World Cup round of 32 soccer match between Spain and Austria in Inglewood, Calif., near Los Angeles, Thursday, July 2, 2026. (AP Photo/Jae C. Hong)

Spanja ka siguruar një fitore të merituar me rezultat 3:0 ndaj Austrisë në fazën e 1/32-ës së finales së Kupës së Botës 2026, duke avancuar në raundin e 1/16-ës.

Sulmuesi Mikel Oyarzabal ishte protagonisti i ndeshjes me dy gola, ndërsa Pedro Porro realizoi golin tjetër për spanjollët, të cilët dominuan takimin nga fillimi deri në fund.

Spanja krijoi raste të shumta dhe fillimisht mendoi se kishte kaluar në epërsi pas golit të Marc Cucurellas në minutën e 30-të, por goli u anulua për shkak të një ndërhyrjeje ndaj portierit austriak Alexander Schlager gjatë ekzekutimit të këndores.

Epërsia erdhi në minutën e 36-të, kur Cucurella asistoi për Oyarzabalin, i cili shënoi me qetësi për rezultatin 1:0.

Në pjesën e dytë, përzgjedhësi i Austrisë, Ralf Rangnick, aktivizoi Marko Arnautovicin dhe Sasa Kalajdzicin në përpjekje për të ndryshuar rrjedhën e ndeshjes. Kalajdzic krijoi një rast të mirë me kokë, ndërsa Arnautovic pati një përplasje me portierin spanjoll Unai Simón, por Austria nuk arriti të rrezikojë seriozisht.

Në minutën e 66-të, Pedro Porro realizoi golin e dytë me kokë, duke vulosur praktikisht fitoren e Spanjës. Ndërkohë, në minutën e 89-të, Oyarzabal shënoi golin e tij të dytë personal për rezultatin përfundimtar 3:0.

Spanja mund të kishte fituar edhe më thellë, pasi Lamine Yamal dhe Álex Baena patën raste të mira për të shënuar, por u ndalën nga portieri Schlager dhe shtylla.

Me këtë sukses, Spanja regjistroi ndeshjen e katërt radhazi pa pësuar gol në këtë Kupë Bote dhe siguroi kualifikimin në fazën e 1/16-ës së finales. Gjithashtu, kjo është fitorja e parë e spanjollëve në një ndeshje me eliminim direkt të Kupës së Botës pas 16 vitesh.

Në fazën e ardhshme, Spanja do të përballet me fituesin e ndeshjes mes Portugalisë dhe Kroacisë.