Kosova
Vjosa Osmani dhe Isabelle Moret rikonfirmojnë bashkëpunimin Kosovë-Zvicër
E martë, 10 Nëntor 2020 - 20:15
Vjosa Osmani, tashmë UD Presidente e Kosovës, është takuar sot me znj. Isabelle Moret, kryetaren e Këshillit Kombëtar të Zvicrës. Së bashku i kanë rikonfirmuar edhe një herë raportet e shkëlqyera mes Kosovës dhe Zvicrës.
Po ashtu, ato përmenden përkushtimin e përbashkët për bashkëpunim të mëtejmë mes dy vendeve.
Osmani ka shkruar në rrjetin social Facebook mbi takimin e mbajtur me Moret:
“Sot patëm nderin të bashkëbisedonim me znj. Isabelle Moret, kryetare e Këshillit Kombëtar të Zvicrës, me të cilën i rikonfirmuam edhe një herë raportet e shkëlqyera mes dy vendeve tona dhe e ritheksuam përkushtimin e përbashkët për bashkëpunim të mëtejmë tonin.
Ne ia shprehëm asaj mirënjohjen tonë për popullin dhe shtetin e Zvicrës, për përkrahjen e vazhdueshme që ky vend ia ka dhënë Kosovës. Zvicra i ka qëndruar përherë pranë popullit të Kosovës dhe po e ndihmon atë edhe më tej për t’u zhvilluar e integruar në shoqërinë europiane. Ne i jemi mirënjohës skajshmërisht, si miku mikut.
Ne u pajtuam po ashtu që promovimi i vlerave të përbashkëta demokratike, angazhimi për zhvillimin e qëndrueshëm në Kosovë dhe përballimi i përbashkët i sfidave, sikur është pandemia Covid 19, vetëm sa do t’i forcojnë edhe më tej lidhjet tona miqësore. Bashkëpunimi ndërparlamentar do të thellohet edhe më tej.
Së fundi, ne duam së bashku që qytetarët e Kosovës, të cilët jetojnë në Zvicër, mërgimtarët tanë të shkëlqyeshëm, t’i shohim si urë të fuqishme ndërlidhëse mes vendeve tona. Duke u integruar në të gjitha aspektet e jetës në shtetin helvetik, nga futbolli në politikë, nga edukimi në zhvillimin e shoqërisë digjitale, ata po e japin shembullin e qytetarit lojal dhe mirënjohës për mikpritjen e popullit të Zvicrës në kohë të vështira e për përkrahjen e pashkëputur në kohë më të mira. 
“
“
Të ngjashme
Të tjera nga Kosova
E-Diaspora
-
Ansambli Kombëtar mahnit Londrën me performancën e parë në Mbretërinë e Bashkuar Londra duartroket kulturën shqiptare, Ansambli Kombëtar shkëlqen në Shaw Theatre... -
Nis ardhja e mërgimtarëve, ja gjendja aktuale dhe pritjet në pikat kufitare -
Shqiptarja e parë nga Kosova diplomon në MIT, një nga universitetet më prestigjioze në botë -
Chair Airlines inauguron linjën direkte Cyrih–Tiranë, një tjetër urë ajrore mes Zvicrës dhe Shqipërisë -
Nis shpërndarja e librave shqip në 15 shtete të diasporës
Jeta në Zvicër
-
Pas 40 vitesh në Zvicër, francezi duhet të largohet Pas 40 vitesh në Zvicër, një francez 60-vjeçar duhet të largohet nga vendi. Gjykata Federale konfirmoi... -
A mund të kërkojnë qiramarrësit ulje të qirasë në rast të mbinxehjes së banesave? -
Frekuentimi i kinemasë është në rritje në Zvicër -
Zviceranët janë të kënaqur me jetën, por kritikë ndaj vendit të tyre -
Vala e të nxehtit në Zvicër pritet të vazhdojë të paktën deri të enjten
