Cyrihu nuk do të ketë sivjet fishekzjarre për Vitin e Ri

Shoqata "Silvesterzauber" (Magjia e Natës së Vitit të Ri) ka vendosur për të anuluar për këtë vit fishekzjarret e mëdha që rregullisht stolisin qiellin mbi qytet

Këtë vit, Cyrihut do t`i mungojë turma tradicionale prej dhjetëra mijë njerëzish që festojnë rreth liqenit, në natën e vitit të ri.

Shoqata “Silvesterzauber” (Magjia e Natës së Vitit të Ri) ka vendosur për të anuluar për këtë vit fishekzjarret e mëdha që rregullisht stolisin qiellin mbi qytet, shkruan srf.ch.

Por është gjithashtu e qartë se nevojitet një alternativë në mënyrë për të qenë në gjendje që të festohet një fillim shpresëdhënës i vitit, ka njoftuar shoqata të enjten, transmeton albinfo.ch. Kjo është arsyeja pse ai ka angazhuar artistin e dritave, Gerry Hofstetter.

Programi i tij “Drita e magjisë së Natës së vitit të ri” do të projektohet në fasadat e ndërtesave të ndryshme në Limmatquai (buzë lumit) dhe në qendër të qytetit të Cyrihut, përcjell albinfo.ch.

Kjo do t`i japë qytetit një dritë festive në prag të Vitit të Ri. Ky spektakël dritash fillon nga ora 17 e pasdites dhe mbaron në orën 2 të mëngjesit, njofton më tej shoqata.

---