Lajme
‘Rruga e kthimit drejt normalitetit’: Austria bën planin e vaksinimit
Austria do të zbulojë një plan gjithëpërfshirës të vaksinimit të mërkurën, me kancelarin Sebastian Kurz, duke thënë se kjo do ta vendosë Austrinë “në rrugën e kthimit drejt normalitetit”.
Me tri vaksina për koronavirusin tani në fazat e fundit të miratimit, vendet në gjithë botën janë në proces të strukturimit të planeve të tyre të vaksinimit. Austria do të lëshojë planin e saj gjithëpërfshirës të mërkurën, përcjell albinfo.at.
Sipas planit të vaksinimit të Bashkimit Evropian, 24 milionë doza do të bëhen të disponueshme në Austri.
Sipas ministrit të Shëndetësisë së Austrisë, Rudolf Anschober, procesi ka të ngjarë të fillojë në fillim të janarit.
“Ne do të kemi disa qindra-mijëra doza në janar. Logjistika përkatëse është në përgatitje”, tha ai.
Sipas raporteve në mediat austriake, stacionet të cilat po vendosen për të kryer skemën e testimit masiv të vendit do të ruhen dhe do të përdoren për vaksinimet.
Në fillim të dhjetorit, Austria do të fillojë një plan të testimit masiv në popullatë.
Mësuesit dhe oficerët e policisë do të testohen në fazën e parë të skemës së testimit masiv, me shtatë milionë teste që pritet të kryhen në gjithë vendin.
Ministri austriak i Shëndetësisë, Rudolf Anschober, tha se njerëzit në grupet e rrezikut do të vaksinohen së pari, pasuar nga punonjësit shëndetësorë.
Më parë në nëntor, Anschober tha se njerëzit me gjendje të rëndë mjekësore që i bëjnë ata të prekshëm ndaj virusit, si dhe njerëzit mbi moshën 70 vjeç do të kenë përparësi. Vaksina do të vihet në dispozicion për publikun më të gjerë, tha Anschober.
“Supozoj se popullata tjetër e interesuar mund të vaksinohet gradualisht nga tremujori i dytë e tutje”, tha ai, përcjell tutje albinfo.at.
Të ngjashme
Të tjera nga Lajme
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut