Zvicër: BAG raporton 4241 infeksione dhe 142 vdekje në 24 orët e fundit

3.659 njerëz janë duke u trajtuar në spitale për Covid-19. Kjo është 8 për qind më pak se në javën e kaluar

Zyra Federale e Shëndetit Publik ka raportuar sot 4241 raste të reja që kanë rezultuar pozitive me koronavirus në 24 orët e fundit.

Mesatarja e 7 ditëve të fundit ka rënë kështu në 4289 që është 24 për qind më pak se në javën e kaluar, shkruan srf.ch.

Trendi aktualisht është në mënyrë të qartë, në rënie. Shkalla mesatare e rezultateve pozitive në  7 ditët e fundit aktualisht është 21.5 për qind, transmeton albinfo.ch. Kjo do të thotë se nga 100 teste, mesatarisht 21 teste ishin pozitive.

Numri i testimeve të realizuara gjatë 7 ditëve të fundit është 22,479 në ditë dhe kështu është ulur për 13 për qind krahasuar me javën e mëparshme.

BAG ka raportuar sot po ashtu edhe 142 vdekje të reja nga Covid-19.

Kantonet aktualisht po raportojnë se 3.659 njerëz janë duke u trajtuar në spitale për Covid-19. Kjo është 8 për qind më pak se në javën e kaluar.

---