Lajme
Kosova, pjesë e fushatës ndërkombëtare për eliminimin e dhunës ndaj gruas
Kosova i është bashkuar fushatës ndërkombëtare për eliminimin e dhunës ndaj grave që këtë vit në Kosovë shënohet nga 25 nëntori deri më 10 dhjetor përmes aktiviteteve të ndryshme.
Kryeministri i Kosovës, Avdullah Hoti, tha se dhuna ndaj grave duhet të çrrënjoset.
Në një ngjarje të organizuar nga Agjencia për Barazi Gjinore, që funksionon në kuadër të Zyrës së kryeministrit, për të shënuar nisjen e Fushatës ndërkombëtare për Eliminimin e Dhunës ndaj Gruas, Hoti tha se për të pasur një shoqëri të barabartë, duhet që gratë të fuqizohen edhe në aspektin ekonomik.
“Unë besoj që forma më e fuqishme e ndikimit afatgjatë dhe konsolidimit afatgjatë e pozitës së gruas në shoqëri është duke i pavarësuar ato ekonomikisht, financiarisht, duke i bërë kontribuuese të barabarta të ardhurave të familjes”, tha Hoti.
Në kuadër të Fondit për rimëkëmbje ekonomike, Hoti bëri të ditur se janë ndarë dy milionë euro, që do t’iu dedikohen bizneseve që udhëhiqen nga gratë, e që janë prekur nga pandemia.
“Është fakt gjithashtu që kemi diferenca të mëdha gjinore në tregun e punës që shkojnë një me katër, pra tre deri në katër herë meshkujt janë më të privilegjuar më të përfaqësuar në tregun e punës dhe kjo gjendje duhet të ndryshojë”, tha Hoti.
Ndërsa kryeshefja ekzekutive e Agjencisë për Barazi Gjinore, Edi Gusia, tha se kjo shumë e ndarë prej një milion eurosh nga qeveria do të shkojë për 115 çerdhe private, që udhëhiqen nga gratë.
Ndërkohë në orët e mbrëmjes, ndërtesa e Qeverisë, Kuvendit dhe e Presidencës së Kosovës dhe Katedrales “Shën Tereza”, janë ndriçuar me ngjyrë portokalli si pjesë e aktiviteteve të Fushatës Ndërkombëtare për Eliminimin e Dhunës ndaj Gruas.
Të ngjashme
Të tjera nga Lajme
E-Diaspora
-
Ambasadori i Kosovës, Mentor Latifi, viziton kompaninë smzh AG Diplomati kosovar theksoi rëndësinë e forcimit të marrëdhënieve ekonomike dhe tregtare ndërmjet Kosovës dhe Zvicrës, duke...
-
Shaqiri, “kryefjalë” e numrit më të ri të revistës albinfo.ch
-
Dy shqiptarë dënohen me burg dhe me “dëbim të menjëhershëm” nga Zvicra
-
Zvicër
Ema Hoti, finaliste në “Miss Universe Switzerland”
-
Stokholm: Petrit Gora, drejtor i REX i Animation Film Festival
Jeta në Zvicër
-
Vendosë gjykata, Google nuk duhet të heqë përmbajtjen kritike ndaj FIFA-s Google nuk ka pse të fshijë artikujt në lidhje me shoqatën botërore të futbollit FIFA nga...
-
Gjeneva do të presë takimin e OKB-së për Palestinën
-
Shtyhet për një vit periudha e nisjes për përfituesit e statusit S
-
Fitime për bursën zvicerane nga ulja e normave të interesit në SHBA
-
Shkenca kritikon të shtënat e planifikuara mbi tufën e ujqërve