Lajme
Në Shtëpinë e Bardhë, Biden emëron gra në ekipin e lartë të komunikimit
Është bërë e ditur se presidenti Joe Biden do të ketë vetëm gra në ekipin e lartë të komunikimit në Shtëpinë e Bardhë, të udhëhequr nga drejtoresha e komunikimit që i shërbeu atij gjatë fushatës, Kate Bedingfield, përcjell albinfo.ch.
Sipas The Guardian, Bedingfield tani do të jetë drejtoreshë e komunikimit në Shtëpinë e Bardhë, dhe Jen Psaki do të jetë sekretare e shtypit.
Po ashtu, Biden ka në plan të emërojë një grua si drejtoreshë e Zyrës së Menaxhimit dhe Buxhetit.
Ndërkohë, Neera Tanden, presidentja dhe shefja ekzekutive e Qendrës për Progresin Amerikan, një kritike liberale, do t’i jepet detyra e mbikëqyrjes së zbatimit të politikave të Bidenit.
Të tri gratë e lartcekura janë veterane të administratës së ish-presidentit Barack Obama. Bedingfield kishte shërbyer si drejtoreshë e komunikimit për Biden, derisa ky i fundit ishte nënkryetar; Psaki ishte drejtoreshë e komunikimit të Shtëpisë së Bardhë dhe zëdhënës në Departamentin e Shtetit; dhe Tanden shërbeu si këshilltare e lartë e sekretares së atëhershme të shëndetit dhe shërbimeve njerëzore, Kathleen Sebelius.
Karine Jean Pierre, do të shërbejë si zëvëndëse sekretare kryesore e shtypit për presidentin e zgjedhur Joe Biden;
Pili Tobar, e cila ishte drejtoreshë komunikimi për koalicionet në fushatën e Biden, do të jetë zëvëndës drejtoreshë e komunikimit në Shtëpinë e Bardhë;
Një tjetër grua që pritet të emërohet në një rol të lartë në administratë është Cecilia Rouse, e cila do të bëhet kryetare e Këshillit të Këshilltarëve Ekonomikë. /Albinfo.ch
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
10 muaj burgim me kusht për kosovarin, shantazhoi burrat Takimet rombantike me burrat e moshuar dhe për para po lulëzojnë në Zvicër. Një i ri...
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë
-
Pse kompanitë në Zvicër duhet të paguajnë taksat e kishës?