Ukraina

Takimi Biden – Scholz, diskutohet për Ukrainën

Pas një viti kancelari i Gjermanisë, Olaf Scholz ka vizituar Shtëpinë e Bardhë, ku u prit nga Presidenti amerikan Joe Biden. Temë kryesore e diskutimeve mes liderëve ishte padyshim situata në Ukrainë.

Scholz u shpreh se aleatët perëndimorë do të mbështesin Ukrainën për aq kohë sa duhet, raporton CNN, përcjellë Albinfo.ch

Një vit më zhvillime të shumta për çka duhet të diskutohet është shprehur kancelari Scholz para se të fillojë takimi. Diskutimi mes liderëve ishte privat dhe pa shumë bujë, derisa presidenti Biden u shpreh se ndihma që Gjermania ka dhënë për Ukrainën është e tejet e rëndësishme. “Ju ofruat mbështetje kritike ushtarake. Dhe unë do të them se përtej mbështetjes ushtarake, mbështetja morale që u keni dhënë ukrainasve ka qenë e thellë”, ka thënë Biden, raport CNN, përcjellë Albinfo.ch

Të dyja vendet kanë ndihmuar ushtarakisht Ukrainën në vlerë miliarda dollarë. Gjermania është zotuar të furnizojë me tanke Ukrainën dhe së fundmi Shtetet e Bashkuara të Amerikës kanë ndarë 400 milionë dollarë me një pako ku përfshihen edhe raketa me precizion të lartë.