Lajme
Franca heton xhamitë e dyshuara për “separatizëm”
Ministri i Brendshëm, Gerald Darmanin, ka thënë se 76 xhami, nga gjithsej 2.600 vendet myslimane të lutjes në Francë, janë shënjestruar si kërcënime të mundshme për vlerat republikane dhe sigurinë e vendit. Po qe se dyshimet konfirmohen, xhamitë do të mbyllen
Franca ka filluar të enjten hetimet kundër dhjetëra xhamive të dyshuara për fuqizimin e ideologjisë islamike, në përpjekjen për ta luftuar kërcënimin në ngritje nga ekstremizmi fetar, ka bërë të ditur ministri i Brendshëm, Gerald Darmanin.
Qeveria ka nisur atë që e quajti një aksion i pashembullt kundër “separatizmit”, pas disa sulmeve islamike në Francë gjatë kësaj vjeshte, përfshirë edhe rastin e prerjes së kokës së një mësuesi që ua kishte treguar nxënësve të tij në klasë karikaturat e profetit Muhamed.
Darmanin ka thënë se 76 xhami, nga gjithsej 2.600 vendet myslimane të lutjes në Francë, janë shënjestruar si kërcënime të mundshme për vlerat republikane dhe sigurinë e vendit. Po qe se dyshimet konfirmohen, xhamitë do të mbyllen, ka shtuar ai.
“Ekzistojnë disa vende të përqendruara të lutjes, të cilat janë qartazi antirepublikane”, ka thënë Darmanin për radion “RTL”. “(Aty) imamët përcillen nga shërbimet e inteligjencës dhe besohet se diskursi i përdorur i tyre është në përplasje me vlerat tona”.
Hetuesit do të gërmojnë burimet financiare të xhamive dhe sfondin e imamëve të cilësuar si të dyshuar. Pos kësaj, do të bëhen kërkime për gjetjen e dëshmive, para së gjithash në shkollat kuranore për më të vegjlit, raporton Reuters, përcjell Albinfo.ch.
Presidenti francez, Emmanuel Macron, ka paralajmëruar për kërcënimin në ngritje nga “separatizmi islamik” dhe sfidat që ai përbën për unitetin e Republikës shekullare të Francës.
Vlerat themelore të Francës, si liria e besimit, barazia gjinore dhe e drejta për blasfemi, janë vënë nën kërcënim në disa zona të lokalizuara, ka thënë ai.
“Duke e përballur me këtë të keqe që po e ha vendin tonë, Franca ka vepruar me qëndrueshmëri, me përkushtim të vendosur”, ka shkruar Macron në një letër adresuar gazetës “Financial Times”, gjatë nëntorit.
Masat qeveritare kanë nxitur zemërimin e disa myslimanëve, të cilët kanë deklaruar se po ndihen përherë e më të armiqësuar në vendin e tyre. Disa liderë fetarë myslimanë, teksa e kanë mbështetur betejën e Qeverisë kundër islamizmit, kanë paralajmëruar pa dashje një shumicë të konsiderueshme të myslimanëve drejt “nxitësve të urrejtjes”.
Në të gjithë Francën, ekzistojnë më shumë se 2 mijë vende të lutjes për myslimanët. Shumica e tyre ndjekin interpretime specifike të islamit, të ndërlidhura me shtetet si Maroku apo Algjeria.
Por disa prej tyre nuk kanë ndonjë lidhje të përcaktuar qartë, gjë kjo që edhe ka nxitur dyshime tek autoritetet qeveritare rreth aktiviteteve të tyre.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas