SHBA: 10,000 restorante pritet të mbyllen në tri javët e ardhshme

Rreth 17% e restoranteve në SHBA tashmë janë mbyllur këtë vit, me mijëra të tjerë në prag, sipas një raporti të ri, shkruan “CNN”, përcjell albinfo.ch.

Shoqata Kombëtare e Restoranteve po i lutet Kongresit publikisht të miratojë stimuj të rinj për të ndihmuar industrinë që është dëmtuar nga pandemia. Grupi tha të hënën se 10,000 restorante mund të mbyllen në tri javët e ardhshme, përveç 110,000 që janë mbyllur tashmë.

Grupi lëshoi ​​rezultate nga një sondazh i 6,000 operatorëve të restoranteve, duke zbuluar se 87% e restoranteve me shërbim të plotë raportuan një rënie mesatare prej 36% të të ardhurave dhe 83% pret që shitjet të jenë “edhe më të këqija” gjatë tre muajve të ardhshëm, përderisa virusi vazhdon të godasë Shtetet e Bashkuara, përcjell tutje albinfo.ch.