Mbi 3 milionë testime ka kryer Zvicra për Covid-19

Kalon shifra e 3 milionë testimeve në Zvicër

Mbi 3 milionë testime janë kryer në Zvicër që nga fillimi i pandemisë. Të dhënat e fundit tregojnë se ky shtet që nga fillimi i pandemisë e deri tani ka bërë 3,019,837 testime, transmeton albinfo.ch.

Situata pandemike në Zvicër ka shënuar një ulje të lehtë të infektimeve në muajin dhjetor, por pavarësisht kësaj, situata është e mirëmenxhuar, ndërkohë që disa kantone kanë vënë masa ndaj pandemisë Covid-19.

Nga numri total i testimeve, 373,831 persona kanë dalë të infektuar me koronavirus.

Sidoqftë, përkundër të prekurve, të dhënat e fundit tregojnë se numri i të shëruarve në Zvicër është rritur dukshëm në këto ditët e fundit. Gjatë kësaj jave në Zvicër janë raportuar se numri i shërimeve ka arritur në 291,500 persona, transmeton tutje albinfo.ch.

Shifrat zyrtare, bazuar në numrin e personave që janë testuar, e që në fillim ishin pozitivë dhe më pas janë rikuperuar, është ngritur, këtë e tregon edhe “Worldometers”, e cila publikon të dhëna rreth koronavirusit, shkruan albinfo.ch.

 

 

 

 

---