Deri tani janë raportuar 28 raste të virusit mutant, në 7 kantone të Zvicrës

Më pak se 1 për qind e mostrave të analizuara tregojnë këtë variant të ri gjegjësisht deri më tani, gjithsej 28 raste janë zbuluar në shtatë kantone

Në konferencën për media që sapo ka përfunduar në Bernë, përfaqësues të BAG dhe të zyrave të tjera kompetente në nivel federal kanë dhënë informacionet më aktuale lidhur me zhvillimet rreth pandemisë së koronavirusit në Zvicër.

Mutacioni i virusit po përhapet në Zvicër, ka thënë Virginie Masserey nga BAG, raporton sda. Më pak se 1 për qind e mostrave të analizuara tregojnë këtë variant të ri gjegjësisht deri më tani, gjithsej 28 raste janë zbuluar në shtatë kantone, transmeton albinfo.lch.

Prandaj, “nëse keni qenë në Britaninë e Madhe ose keni pasur kontakte me njerëz nga Britania e Madhe, ju patjetër  duhet të testoheni. Rekomandohet gjithashtu një test PCR dhe jo një test i shpejtë”, ka nënvizuar Masserey.

A kërcënon virusi mutant një pandemi brenda pandemisë? Kjo ishte një pyetje e bërë nga një gazetar i pranishëm. “Po, kjo mund të ndodhë”, tha Masserey.

Kërcënimi i mutacionit të ri është i madh, përcjell albinfo.ch. Masserey thekson përsëri se masat mbrojtëse duhet të vazhdojnë të respektohen në mënyrë që të zvogëlohet numri i rasteve. Pastaj është vaksinimi.

Ajo shpreson se kjo do të ketë një ndikim pozitiv në kontrollin e gjendjes gjatë muajve të ardhshëm.

---