Lajme
Kosovari 19-vjeçar vret me thikë moshatarin e tij
Karlsruhe - Një kosovar 19-vjeçar u arrestua pas një sulmi fatal me thikë që ndodhi në orët e hershme të mëngjesit të djeshëm, në pjesën lindore të qytetit
Një 19-vjeçar është goditur për vdekje me thikë në shkallët para banesës së tij. Vdekja ka ndodhur menjëherë, në vendin e ngjarjes.
Rreth orës 5 të mëngjesit të premtes, një 19-vjeçar i dyshuar, u arrestua nga policia në një rrugë të qytetit, shkruan tag24.de.
“Në rastin e të dyshuarit, i cili ishte në gjendje të dehjes së lehtë, policët gjithashtu kanë konfiskuar mjetin me të cilin pretendohet se është përdorur për të kryer veprën penale”, thonë hetuesit.
Adoleshenti nga Kosova do të paraqitej para gjykatësit gjatë ditës.
Sipas hetimeve të mëparshme, një grup të rinjsh ishin takuar në banesën e viktimës 19-vjeçare gjatë natës për të pirë alkool së bashku.
Sipas deklaratave të dëshmitarëve, i akuzuari ishte gjithashtu në banesë dhe nga pala e dëmtuar i ishte kërkuar që të largohej nga ndeja e përbashkët, transmeton albinfo.ch. “Gjatë një konflikti verbal në hapësirën e shkallëve, personi i refuzuar ka nxjerrë thikën dhe ka goditur disa herë të dëmtuarin në pjesën e sipërme të trupit dhe në krahë”.
Pasi sulmuesi i dyshuar qe arratisur nga vendi i krimit, dëshmitarët kishin ndërmarrë masat e para të shpëtimit, të cilat u vazhduan nga policët të cilët i kishin thirrur. Por, mbërritja e një ekipi shpëtimi me ambulancë, ishte e vonuar për të sulmuarin. Ata mundën vetëm të konstatonin vdekjen e tij.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Komisioni zviceran kërkon që azilkërkuesit të deportohen në një vend të tretë Disa kanë sugjeruar se propozimi me shanse të ulëta po përdoret si një platformë për të...
-
Mungesa e psikoterapistëve i lë fëmijët zviceranë në krizë
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?
-
Arnold “The Cobra” Gjergjaj triumfon në luftën e fundit