Trendi i uljes së infektimeve dhe rasteve të vdekjes në Zvicër

Një ulje e konsiderueshme në raport me ditët e tjera

BAG ka bërë të ditur se që nga fillmi i janarit ka një trend uljeje, dukshëm më e lartë se sa në muajt nëntor dhe dhjetor të vitit 2020, në aspektin e infektimeve dhe vdekjeve ditore, transmeton albinfo.ch.

Gjatë muajve të fundit të viti të kaluar rastet ishin gati dyfish më të larta se sa që janë tani. Vetëm në fillim të dhjetorit rastet ditore janë luhatur mes 5 dhe 6 mijë raste ditore, në raport me muajin janar të 2021, rastet janë mes 2-3 mijë raste.

Vetëm dje janë raportuar 2474 raste të reja me koronavirus nga Zyra Federale e Shëndetit Publik (BAG) nga Zvicra dhe Principata e Lihtenshtajnit, me një normë pozitiviteti prej 10.1 për qind, transmeton tutje albinfo.ch.

Nga ana tjetër, edhe numri i rasteve të vdekjeve është ulur, në raport me muajt nëntor dhe dhjetor të vitit 2020, që ishin mes 100-150 raste ditore. Ndërkohë vetëm në këtë javë numri i të vdekurve thuajse është përgjysmuar. Vetëm dje BAG ka raportuar 53 vdekje të reja në lidhje me koronavirusin.

Duhet theksuar se Zvicra ka gjithsej 492,832 të infektuar, që nga rastet e para të vitit 2020, e deri më tani. /Albinfo.ch

 

---