Lajme
Rajoni kufitar i Bazelit kërkon heqjen e testimit të detyrueshëm
Regio Basiliensis, i cili është i përkushtuar për forcimin e rajonit kufitar trinacional, bën thirrje për heqjen dorë nga një detyrim i përgjithshëm i testit
Zbatimi i regjimit më të rreptë kufitar dhe testimi në kufi, duhet të trajtohet në një mënyrë “të praktikueshme”.
Për një gjë të tillë janë angazhuar të gjitha partitë kryesore zvicerane në një letër drejtuar Këshillit Federal.
Zbatimi sipas vendimit nga qeveria do të sillte trafikun kufitar si dhe hyrjen dhe daljen në Francë dhe Gjermani në një ngërç, njofton Regio Basiliensis.
Autoritetet shëndetësore nuk kanë konstatuar ndonjë numër të dukshëm të infeksioneve që do të shpjegohej me kalimin e kufijve kombëtarë, transmeton albinfo.ch. Nga ana tjetër, është provuar e dobishme që të mbahen kufijtë e hapur për udhëtarët ndërkufitarë ose për vizitat në familje. Kjo politikë duhet të vazhdohet.
Nëse Gjermania, Franca dhe Zvicra vendosin detyrimin e përgjithshëm për të bërë testin për covid-19 gjatë hyrjeve dhe daljeve nga vendi, duhet të sigurohet që ky regjim i ri të jetë i praktikueshëm dhe të përmbajë një rregullore të veçantë për udhëtarët ndërkufitarë.
Duhet të lejohet miratimi i testeve të pështymës. Testet duhet të bëhen të disponueshme falas, përcjell albinfo.ch. Dhe po ashtu, një test negativ duhet të jetë i vlefshëm për tri ditë. Nuk duhet të ketë pengesa burokratike në pikat kufitare.
Kufijtë e hapur janë një arritje thelbësore e rajonit kufitar trekombësh. Ata janë sinonim për bashkëjetesën, bashkëpunimin, takimet, paqem dhe miqësinë.
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Kaosi i tifozëve të Servette në ndeshjen e futbollit, i dyshuari mund të akuzohet Kaosi i Gjenevanit që hodhi një pishtar të ndezur në bllokun e tifozëve të Winterthur mund...
-
Dëmtimi i bustit të Skënderbeut në Gjenevë, reagon Ambasadori i Shqipërisë
-
Kantoni i Cyrihut merr masa kundër antisemitizmit
-
Mbi katër mijë milionerë në Zvicër
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë