Shënohet viktima e parë nga mutacioni britanik i COVID në Maqedoninë e Veriut

Keystone/

Në Maqedoninë e Veriut një person i infektuar me variantin e ri britanik të koronavirusit ka ndërruar jetë, duke regjistruar viktimën e parë të variantit të mutuar të virusit, përcjell albinfo.ch.

Duhet theksuar se viktima kishte rezultuar pozitiv më 4 janar, por nuk mundi ta fitonte betejën me virusin.

Në Maqedoninë e Veriut deri tani janë shënuar tri raste me llojin britanik të virusit Covid.

Mjekët paralajmërojnë se për shkak se transmetohet kaq lehtësisht ndryshe nga mutacionet e tjera, ai me siguri do të bëhet dominues në vend pas disa muajsh, si në shumë vende të tjera të botës.