Ministri Cassis: “Edhe Qeveria është lodhur nga pandemia”

"Një bllokim tjetër do të ishte skenari më i keq i mundshëm. Kjo duhet të shmanget. Shoqëria, federalizmi dhe ekonomia duhet të riparohen"

Ministri i Jashtëm i Zvicrës, Ignazio Cassis ka thënë sot në asamblenë virtuale të delegatëve të FDP se “edhe Këshillit Federal ngadalë po i bëhet e tepërt situata me pandeminë Covid 19”, shkruan srf.ch.

Këshilltari Federal ka paralajmëruar me këtë rast se numri i rasteve mund të rritet përsëri për shkak të mutacioneve në virusin corona, tranmseton albinfolch. Një bllokim tjetër, sipas tij do të ishte skenari më i keq i mundshëm.

Kjo duhet të shmanget. Shoqëria, federalizmi dhe ekonomia duhet të riparohen.

Moralizimi aktualisht është një reagim i keq. Me respekt të ndërsjellë dhe me “sensin e gjashtë” zviceran të lirisë, vendi duhet të pranojë që ekonomia është forca lëvizëse e shoqërisë.

Një deklaratë e ministrit Cassis ka ngjallur debate dje në mediat zvicerane. I pyetur për mungesën e tij kronike në paraqitjet publike rreth pandemisë, ai ka thënë: “unë nuk jam mjek i Këshillit Federal por jam ministër i jashtëm”.

---