Osmani: Nuk mund ta bëjmë Kosovën Zvicër, por do ta luftojmë korrupsionin

Profil facebook - Vjosa Osmani

Ushtruesja e detyrës së presidentes së Kosovës, Vjosa Osmani, e cila njëherësh është pjesë e garës zgjedhore të 14 shkurtit, ka folur në një intervistë per Radiotelevizionin e Zvicrës, raporton Albinfo.ch.

Osmani ka thënë se garimi në këto zgjedhje është një përgjegjesi e madhe, pasi siç u shpreh ajo, deri më tani ka pasur abuzim pushteti.

“Çfarë mund të them është që vullneti ynë dhe angazhimi ka qenë dhe do jetë për të drejtat dhe intersat e popullit të Kosovës.
Pa dyshim ne nuk mund të arrijmë ta bëjmë Kosovën Zvicër vetëm për disa vjet, por do të angazhohemi duke i respektuar ligjet dhe interesat e popullit të Kosovës”, është shprehur Osmani.

“Ne nuk kemi nevojë ta rishpikim timonin, por konkretisht ne do i japim fund krimit dhe korrupsionit, që do jetë një favor shumë i madh për shtetin tonë, Kosovën!”, theksoi Osmani tutje.