Lajme
Çekia alarmon për stërmbushje të kapaciteteve spitalore
Republika Çeke është duke u përballur me mbushje të kapaciteteve në dhomat e kujdesit intensiv, ndërkohë që numri i të infektuarve vazhdon të rritet në vendin e prekur më së keqi brenda Bashkimit Evropian, ka thënë ministria çeke e Shëndetësisë të martën.
Ky shtet është në vendin e parë sa u përket infektimeve të reja për 100,000 banorë në 14 ditët e fundit dhe është dyta për numrin e vdekjeve pas Sllovakisë, raporton agjencia e lajmeve AFP.
“Ne jemi duke iu afruar tejkalimit të kapacitetit në kujdesin intensiv”, ka thënë zëvendësministri i Shëndetësisë, Vladimir Cerny, para gazetarëve, duke fajësuar edhe mungesën e stafit të kualifikuar për këtë situatë.
“Në asnjë mënyrë nuk mund të mbajmë standardet aktuale të kujdesit shëndetësor dhe po përballemi me vonesa dhe shtyrje në departamentet jashtë COVID-19. Sistemi në përgjithësi është afër limitit”, ka shtuar ai.
Të martën, Republika Çeke ka regjistruar më shumë se 1,300 pacientë në kujdesin intensiv, duke përfshirë 660 në ventilatorë, ka shtuar Cerny.
Ky shtet anëtar i BE-së ka regjistruar mbi 1.16 milion raste me koronavirus dhe më shumë se 19,500 viktima, prej kur ka nisur pandemia.
Cerny ka thënë se qeveria tani duhet t’i kërkojë zyrtarisht Gjermanisë për t’i pranuar pacientët nga rajonet më të goditura të Republikës Çeke.
Për të rritur masat e sigurisë, qeveria ka urdhëruar vendosjen e maskave FFP2 apo dy maskave kirurgjikale në ndërtesa publike, dyqane dhe transportin publik, nga dita e enjte.
Restorantet, kinematë, teatrot dhe shumica e dyqaneve vazhdojnë të jenë të mbyllura, ashtu sikurse shkollat, me përjashtim të kopshteve për fëmijë dhe fëmijëve në klasën e parë.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll