1130 infeksione të reja dhe 16 vdekje gjatë 24 orëve të fundit në Zvicër

Mesatarja e 7 ditëve të kaluara është 1032 ose 3 për qind më shumë se në javën e kaluar

Zyra Federale e Shëndetit Publik ka raportuar sot 1130 raste të reja pozitive me kosonavirus, të regjistruara në 24 orët e fundit.

Mesatarja e 7 ditëve të kaluara është 1032 ose 3 për qind më shumë se në javën e kaluar. Trendi aktualisht tregon një rritje të lehtë, raporton srf.ch.

Shkalla mesatare pozitive 7 ditore aktualisht është 5.1 për qind, transmeton albinfo.ch. Krahasuar me javën e kaluar, norma pozitive ka mbetur e njëjtë.

Numri i testeve të kryera në një mesatare 7-ditore është 23,999 teste në ditë, që është 6 për qind më i ulët se një javë më parë.

BAG raporton 16 raste të reja të vdekjeve. Mesatarja 7 ditore është 6 të vdekur në ditë ose 38 për qind më pak se në javën e kaluar.

Aktualisht BAG raporton 932 persona që janë duke u trajtuar në spitale për Covid-19. Kjo është 5 për qind më pak se në javën e kaluar.

Shtretërit e kujdesit intensiv të certifikuar në spitalet zvicerane janë aktualisht 78.0 për qind të shfrytëzuar ndërsa, përfshirë shtretërit ad-hoc, niveli i shfrytëzimit është 69.0 për qind.

 

---