Kosovë: Dy të plagosurit në sulmin e sotëm janë në gjendje stabile

Dy personat e plagosur gjatë sulmit të së hënës me armë në tentim-grabitjen që ndodhi në magjistralen Prishtinë-Gjilan janë përgjithësisht në gjendje stabile, transmeton Insajderi, përcjell Albinfo.ch.

Kështu bën të ditur mjeku kujdestar në emergjencë, Naser Syla, sipas të cilit, dy të plagosurit kanë marrë plagë kryesisht në regjionin e gjoksit.

Njëri nga ta i është nënshtruar ndërhyrjes kirurgjike, ndërkaq tjetri jo dhe që të dy janë në gjendje stabile.

Mediat në Kosovë kanë raportuar sot për një tentim-grabitje të armatosur ndaj automjetit të kompanisë së sigurimit ‘Besa Security’, lajm të cilin më pas e kishte konfirmuar edhe Policia e Kosovës.