Berlini ndërpret vaksinimin me AstraZeneca për personat nën 60 vjeç

FOTO: APA/GEORG HOCHMUTH

Berlini vendosi të martën që të ndërpresë përdorimin e vaksinës kundër COVID-19 të “AstraZeneca” për personat nën 60 vjeç, për shkak të rasteve të mpiksjes së gjakut, raporton Euronews, përcjell Albinfo.ch.

Zyrtari i lartë shëndetësor i Berlinit, Dilek Kalayci, deklaroi se vendimi u mor si një masë paraprake pasi sipas të dhënave, 31 persona që kanë bërë së fundmi vaksinën, kanë pasur mpiksje të rrallë të gjakut. Nëntë prej këtyre personave kanë humbur jetën. Të gjitha rastet, përveç dy prej tyre, ishin gra të moshës 20 deri 63 vjeç, sipas institutit Paul Ehrlich. Masa është vendosur nga përfaqësues të 16 njësive federative të Gjermanisë.

Rastet e vaksinimit që kanë pësuar mpiksje të gjakut gjatë këtij muaji, të njohur si trombozë e venave sinusale, nxitën disa vende evropiane që të ndalonin përkohësisht përdorimin e vaksinës “AstraZeneca”.

Të hënën, Kanadaja pezulloi përdorimin e vaksinës “AstraZeneca” për njerëzit nën moshën 55 pas shqetësimeve se mund të shkaktojë mpiksje të gjakut.

Agjencia Evropiane e Barnave arriti në përfundimin se përfitimet që sjell kjo vaksinë janë më të shumta se rreziqet, megjithatë personat që vaksinohen duket të paralajmërohen për efektet e mundshme.