Qeveria zvicerane miraton kultivimin e kanabisit jomjekësor

Qëllimi i këtyre projekteve të testimit është të mësohet më shumë rreth përparësive dhe mangësive  të qasjes së kontrolluar në kanabis

Duke filluar nga mesi i majit, në Zvicër mund të bëhen aplikime për teste pilot me kanabis jo-medicinal. c.

Këshilli Federal ka miratuar urdhëresën përkatëse lidhur me këtë, në mbledhjen e tij të mërkurën, më 31 mars, shkruan sda.ch.

Ndër të tjera, testet kanë për qëllim të shqyrtojnë, brenda një kornize shkencore, pasojat për shëndetin e përdoruesve dhe zakonet e tyre të konsumit bën të ditur Zyra Federale e Shëndetit Publik (BAG).

Në këtë mënyrë do të mateshin dhe dokumentoheshin efektet në tregun e paligjshëm të barnave, në mbrojtjen e të miturve dhe në sigurinë publike, transmeton albinfo.ch. Po ashtu do të monitoroheshin më nga afër zinxhirët e furnizimit me farërat e kanabisit.

Kanabisi i ofruar kështu, duhet të plotësojë standarde të larta të cilësisë dhe të vijë nga bujqësia organike (bio).

Pjesëmarrësit në projektin pilot mund të blejnë vetëm një sasi të kufizuar të produkteve të kanabisit në muaj ndërsa shitja është e ndaluar. Droga e tillë do të shpërndahej nga stafi i trajnuar në pikat e shitjes.

---