“Hauptbahnhof”-i i Vjenës, ndër stacionet më të mirë të trenave në Evropë

Në listën e stacioneve më të mirë të trenave në Evropë, Haputbahnhof i Vjenës u rendit në vendin e dytë të listës, shkruan albinfo.at

Në vitin 2020 asnjë stacion treni i Austrisë nuk ishte pjesë e top 10 të stacioneve më të mirë të trenave në Evropë. Këtë vit gjërat duken shumë ndryshe! Stacioni kryesor (Hauptbahnhof) në Vjenë, është në vendin e dytë në Indeksin e Stacionit Hekurudhor Evropian të organizatës ndërkombëtare të mbrojtjes së konsumatorit “Consumer Choice Center”, shkruajnë mediat austriake.

Për të qenë pjesë e kësaj renditje u vlerësua nisja/arritja në kohën e caktuar, numri i destinacioneve të shumta, mundësia  dhe lehtësimi i përdorimit të platformave të ndryshme si dhe pastërtia.

“Ne mund të themi me krenari se Favoriten ka stacionin më të mirë të trenave në Austri dhe të dytin më të mirë në gjithë Evropën”, ka thënë kryetari i qarkut (Bezirk) të 10-të, Marcus Franz (SPÖ).

Vendi i parë i ka takuar stacionit qendror të trenave të Leipzigut. Në vendin e dytë renditet Hauptbahnhof i Vjenës për të vijuar me vendin e tretë Amsterdam Centraal, Mosckow Kazan Station në vendin e katërt.  Dy stacione të tjera gjermane të trenave zunë vendin e pestë: stacionet kryesore të trenave në Frankfurt am Main dhe Mynih. Pjesa tjetër e 10 më të mirëve përbëhet nga Moscow Kursk Bahnhof (vendi i gjashtë), Milano Centrale (vendi i shtatë), Birmingham Neë Street (vendi i tetë), Roma Termini (vendi i nëntë) si dhe Paris-Montparnasse dhe Bologna Centrale (Vendi i dhjetë i përbashkët).

---