Rama shpall fitoren, fiton mandatin e 3-të për ta qeverisur Shqipërinë

Kryeministri Edi Rama ka shpallur fitoren e partisë së tij, PS-së, në Sheshin ‘Skenderbeu’ në Tiranë para mijëra simpatizantëve të mbledhur, raporton Albinfo.ch.

Ai deklaroi se është i gatshëm të realizojë gjithë atë që e ka premtuar.

“Nuk mjafton vullneti i fituesve, sepse duhet edhe vullneti i Partisë Demokratike. E kam provuar më shumë se njëherë në jeten time se asgjë që njeriu e ëndërron me sy hapur, nuk është e pamundur. Dhe ëndrra ime është që Shqipëria në mandatin tim të 3 të të bëhet kampione e Balkanit në turizëm, shërbime dhe energji. Me 4 porta nga qielli dhe 4 nga deti për udhëtarët e turistët, me 2 porta detare, me korridorin blu, Shqipëria mund t’i hapë në 5 apo 6 vjetët e ardhshme një fuqi të madhe”, tha mes tjerash Rama, përcjell Albinfo.ch.