Italia zgjat sërish detyrimin e karantinës për hyrjet nga Evropa

Sipas vendimit të mëparshëm, rregulli për karantinën duhej të dilte nga fuqia në fund të prillit.

Italia ka zgjatur rregullin e saj të karantinës së detyruar – për udhëtarët nga vendet e tjera evropiane, përfshirë Zvicrën, njofton srf.ch.

Kështu, nëse udhëtoni në Itali, edhe më tutje do të keni nevojë, fillimisht për një test negativ të koronës, transmeton albinfo.ch. Pas kësaj duhet të vendoseni në karantinë për pesë ditë dhe më pas keni nevojë për një test negativ përsëri.

Ky rregull do të vazhdojë të zbatohet tani deri në mes të majit, siç ka njoftuar ministri italian i shëndetësisë.

Sipas vendimit të mëparshëm, rregulli në fjalë duhej të dilte nga fuqia në fund të prillit.

---