SHBA: Hapet Disneyland-i pas 13 muajsh pauze

Lejohet norma e shfrytëzimit prej 25 për qind. Fillimisht, qasje do të kenë vetëm vizitorët që banojnë në Kaliforni

Parku i njohur i lojërave “Disneyland” në SHBA ka qëndruar i mbyllur për 13 muaj për shkak të pandemisë së koronës, shkruajnë mediat botërore, njofton srf.ch.

Tani parku i famshëm në Kaliforni është përsëri i hapur.

Grupi Disney ka mirëpritur vizitorët e parë të premten me parullën “Magjia u kthye”, transmeton albinfo.ch. Parku fqinj i dëfrimit, Disney California Adventure Park, është gjithashtu në veprim.

Pas përparimeve të mëdha të vaksinimit në shtetin e bregut perëndimor, Kaliforni, shumë kufizime të koronës janë zbutur në javët e fundit.

Vizitorët e Disneyland udhëzohen të mbajnë maska ​​mbrojtëse dhe të respektojnë rregullat e distancës.

Aktualisht lejohet norma e shfrytëzimit prej 25 për qind të kapacitetit, përcjell albinfo.ch. Por fillimisht, qasje do të kenë vetëm vizitorët që banojnë në Kaliforni.

---