Serbia paguan qytetarët që marrin vaksinën

@pixabay

Serbia do të paguajë 3000 dinarë (25 euro) për secilin qytetar të saj që është vaksinuar me të paktën një dozë nga 19 deri në 31 maj, si shpërblim për përgjegjësinë gjatë pandemisë, njoftoi qeveria serbe të mërkurën.

Serbia është në procesin e aplikimit për një paketë të ndihmës shtetërore prej 30 + 30 euro në maj, pasi shteti tashmë ka paguar 100 euro për të gjithë qytetarët e rritur vitin e kaluar, si mbështetje financiare gjatë krizës së koronavirusit.

Të gjithë shtetasit e Serbisë që marrin të paktën dozën e parë të vaksinës deri më 31 maj, do të kenë të drejtë për ndihmë financiare shtetërore.

Më herët sot, në programin e televizionit proqeveritar, TV Pink, Vuçiq njoftoi për këtë vendim, duke paralajmëruar ndihma të tilla edhe për pensionistët e të papunët.