Gjithçka që duhet të dini rreth pandemisë në Zvicër

Të dhënat e fundit në Zvicër rreth numrit të të prekurve nga koronavirusi

 

Shteti i Zvicrës deri më tani ka kryer afro 10 milionë testime për Covid-19, pa i llogaritur çdo pesë teste për kokë banori që jepen falas nga shteti, transmeton albinfo.ch.

Statistikat e fundit tregojnë se në Zvicër që nga fillimi i pandemisë e deri tani ka gjithsej 670,613 infeksione me koronavirus, shkruan albinfo.ch.

Nga numri total i të prekurve, në Zvicër janë shënuar mbi 10 mijë viktima, shkaku i pandemisë.

Autoritetet shëndetësore zvicerane kanë bërë të ditur se Zvicra ka ulje mesatare të infeksioneve. Vlen të theksohet se që prej fillimit të pandemisë kantonet me shkallë më të lartë të infeksionit për frymë kanë qenë: Gjeneva, Jura, Valais, Fribourg, Zug, Vaud, Cyrih, Schwyz, Uri dhe Aargau, sipas korona-data.ch.

Për muaj të tërë Gjeneva dhe Jura kanë udhëhequr listën me normat më të larta të infeksionit në Zvicër.

Sidoqftë, përkundër të prekurve, të dhënat e fundit tregojnë se numri i të shëruarve në Zvicër është rritur dukshëm në këto ditët e fundit. Gjatë kësaj jave, në Zvicër janë raportuar se numri i shërimeve ka arritur në 601,958 persona.

Nga ana tjetër, ky shtet tani ka 57,953 raste aktive që janë duke i trajtuar dhe shëruar nga organet shëndetësore zvicerane, ndërkohë që 212 persona prej tyre janë në gjendje kritike për jetën.

Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi, shkruan albinfo.ch.

 

---