Zvicra të angazhojë ushtrinë për të bërë testimin në aeroporte

Shumë pasagjerë të ndërgjegjshëm janë ankuar se, ndonëse kanë bërë testin, ata, me të arritur në aeroportet zvicerane nuk i ka kontrolluar askush

Zvicra kërkon që çdo pasagjer që hyn në vend përmes rrugës ajrore, të kalojë testin negativ PCR. Por, realiteti është se skush nuk ndihet i përgjegjshëm për të kontrolluar rezultatin, shkruan sda.

Në të vërtetë, kjo do të ishte detyra e kompanive ajrore para nisjes.

Por shumë pasagjerë të ndërgjegjshëm janë ankuar se, ndonëse kanë bërë testimin sipas kriterit që kërkohet, ata, me të arritur në aeroportet zvicerane nuk i ka kontrolluar askush, transmeton albinfo.ch. Për një testim “të kotë”, ata kanë paguar deri në 00 euro, në vendet prej nga kanë udhëtuar.

Shefi i kompanisë së njohur që ofron udhëtime turistike, Globetrotter, André Lüthi bën thirrje për mbështetje nga ushtria. Gazeta NZZ am Sonntag citon atë të ketë thënë se: “testet PCR duhet të kontrollohen vazhdimisht në aeroporte”.

“Ne i sugjeruam ministrit Berset që për këtë qëllim të shfrytëzohen për shembull, ushtarët”.

Si “kompensim” për kontrollin konsekuent të testimeve, Lüthi bën thirrje për heqjen e listës së karantinës, në mënyrën siç hartohet ajo sot.

“Nuk ka kuptim që listën e karantinës ta lidhim  me numrin e rasteve të infeksioneve në Zvicër”, përcjell albinfo.ch. Kështu, sipas tij biem në situata absurde në rastet kur numri i infeksioneve në Zvicër ka ulje, vendet që deri dje konsideroheshin të sigurta, vendosen papritmas në listë”, thotë ai.

---