Kosova
Vaksinimi në Kosovë, numër i madh i të moshuarve presin në radhë të gjata
Në disa fotografi të publikuara, janë parë radhë të gjata të njerëzve, të cilët po presin që të imunizohen kundër koronavirusit
Procesi i vaksinimit të personave mbi moshën 65 vjeç në Kosovë do të vazhdojë sot në të gjitha komunat, pas ndërprerjes së këtij procesi dje shkaku i festës së Fitër Bajramit.
Vaksinimi ka filluar nga ora 08:00 e do të zgjasë deri në orën 19:30 dhe do të vaksinohen personat e moshës mbi 65 vjeçare.
Prioritet thuhet se do të kenë ata që janë regjistruar në platformën e-Kosova, shkruajnë mediat kosovare, përcjell albinfo.ch.
Në disa fotografi të publikuara, janë parë radhë të gjata të njerëzve, të cilët po presin që të imunizohen kundër koronavirusit.
Në lidhje me këtë ka reaguar edhe Ministria e Shëndetësisë e Kosovës.
“Grumbullimet e krijuara sot para sallës “1 Tetori”, vjen si pasojë se aty kanë ardhur të vaksinohen qytetarë edhe nga komunat e tjera, përkundër njoftimeve të bëra ditëve të kaluara dhe dje se qytetarët do të vaksinohen në komunën e tyre. Qytetarët e komunave të tjera të Republikës së Kosovës luten që t’u drejtohen qendrave të vaksinimit në komunat e tyre, me qëllim që të marrin informatat e duhura dhe të vaksinohen”, thuhet në njoftimin e MSh-së.
Kryetari i LDK-së, Lumir Abdigjiku ka folur për fluksin e madh të njerëzve të moshuar para sallës “1 Tetori”, të cilët janë duke pritur për ta marrë vaksinën që nga mëngjesi i hershëm. “Papërgjegjësi! Ky s’është vaksinim. Është akt i dërgimit të t’moshuarve në përballje për jetën. Një Qeveri e tërë në gjumë!”, shkruan Abdigjiku.
Kryetari i PDK-së, Enver Hoxhaj ka reaguar lidhur me turmat e njerëzve që po krijohen para Sallës 1 Tetori për të marrë vaksinat anti-COVID. Përmes një postimi në Facebook, Hoxhaj është shprehur se është për keqardhje që prindërit dhe gjyshërit tanë të dëshpëruar për një vaksinë e cila nuk u erdhi për një kohë të gjatë, shtyhen me njëri-tjetrin sepse Qeveria nuk ka ditur ta organizoj procesin e vaksinimit.
Të ngjashme
Të tjera nga Kosova
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër