Kurti do të takohet me liderët e Ballkanit Perëndimor

Kryeministri i Kosovës, Albin Kurti, do të udhëtojë drejt Brukselit, ku do të takohet me liderët e Ballkanit Perëndimor.

Ky takim joformal, i ftuar nga shefi i diplomacisë evropiane, Josep Borrell, po konsiderohet i dobishëm në përmirësimin e marrëdhënieve bilaterale mes shteteve, megjithëse ky do të jetë takimi i parë ndërmjet kryeministrit Kurti dhe presidentit serb Vuçiç, por jo në kuadër të rifillimit të dialogut.

Ndërkohë, vizitat e shpeshta në Bruksel të Kurtit, opozitarët po i shohin si heqje dore nga të gjitha kauzat politike të tij sa ishte në opozitë.