Takimi Kurti-Rama, pa protokol në Bruksel

Kurti: Me kryeministrin e Shqipërisë, Edi Rama, u takuam miqësisht e pa protokoll

Kryeministri i Kosovës, Albin Kurti ka folur pas përfundimit të vizitës së tij në Bruksel, e ku mori pjesë në darkën me liderët e vendeve të Ballkanit Perëndimor.

Nga kjo vizitë, Kurti vjen me lajme se ishte një mundësi e mirë për të diskutuar mbi bashkëpunimin mes vendeve.

Por ajo çka bie në sy është një takim mes Kurtit e Ramës, takim ky qê thuhet të jetë realizuar para darkës së mbrëmshme. Këtë takim, Kurti e quan miqësor.

“Me kryeministrin e Shqipërisë, Edi Rama, u takuam miqësisht e pa protokoll, para darkës, e për të diskutuar mbi nevojën dhe format e bashkëpunimit e bashkëveprimit në mes dy shteteve tona”, shkruan Kurti.

Ky takim i Kurtit mè Ramën vjen pas një kohe shkëputjesh të raporteve mes tyre.

 

 

---