Xhaka: Franca favorit, por nuk kemi frikë

Franca dhe Zvicra do të ndeshen sonte nga ora 21:00 në kuadër të 1/8 së finales së Euro 2020

Kapiteni i Zvicrës, Granit Xhaka ka motivuar shokët e skuadrës para përballjes së sotme ndaj Francës në 1/8 e finales së Euro 2020.

“Ne duam të shkojmë deri në fund të kësaj gare. Në tre rastet e fundit jemi eliminuar në raundin e 1/8-ve, por kjo skuadër është gati të shkruajë historinë. Sigurisht që Franca është favorite, por ne nuk fshihemi dhe nuk kemi frikë. Jemi të çliruar dhe të qetë, ndihemi mirë dhe e kuptojmë rëndësinë e kësaj ndeshje, e kemi të qartë”, është shprehur mesfushori shqiptar.

“Kemi shansin të shkruajmë historinë. Ia dalim nëse japim 100% në fushë. Duhet të luftojmë dhe të vrapojmë pafund”, theksoi kapiteni i Natit.

Ai ka besim të mëdh te Xherdan Shaqiri. “Shaqiri është lojtar i mahnitshëm. Ai është shumë i rëndësishëm për ne. Ai e ka dëshmuar këtë në vitet e fundit dhe po ashtu ndaj Turqisë. Na duhet Shaqiri në formë të mirë ndaj Francës”, ka thënë Xhaka për “Euro2020.com”.

Zvicra dhe Franca përballen sonte nga ora 21:00.

---