BE: 30 miliardë euro për Ballkanin Perëndimor

Merkel theksoi se “BE-ja duhet t’i mbajë premtimet”

Është bërë e ditur se Bashkimi Evropian pritet të ndajë 30 miliardë euro për shtetet e Ballkanit Perëndimor.

Thuhet se kjo ndihmë e destinuar ka të bëjë me rimëkëmbjen e ekonomisë pas pandemisë COVID-19.

Këtë e tha Komisioneri Evropian për fqinjësi dhe zgjerim, Oliver Varhelyi, pas konferencës virtuale që e kishte me udhëheqësit e gjashtë shteteve të Ballkanit Perëndimor.

Takimi virtual i ftuar nga kancelarja Angela Merkel, bëri që të gjitha palët të kërkojnë përshpejtimin e rajonit drejt Bashkimit Evropian.

Albin Kurti, kryeministër i Kosovës, kërkoi që vizat të liberalizohen sa më shpejt.

Ndërsa, Merkel theksoi se “BE-ja duhet t’i mbajë premtimet”.

---