Covid zbulon hendekun mes politikës dhe shkencës

(KEYSTONE/Laurent Gillieron)

Menaxheri i kabinetit të Qeverisë Zvicerane ka bërë thirrje për bashkëpunim më të mirë midis politikanëve dhe shkencëtarëve për të trajtuar krizat, shkruan swissinfo.ch, përcjell albinfo.ch.

Walter Thurnherr, i cili mban titullin e kancelarit federal, tha se pandemia Covid-19 kishte treguar nevojën për më shumë njohje reciproke.

“Të dy palët janë shumë të ndryshme dhe kontaktet midis politikanëve dhe shkencëtarëve janë të pakta”, u tha ai disa gazetave të grupit Tamedia.

Ai vuri në dukje se disa politikanë nuk ishin as të vetëdijshëm për ekzistencën e studiuesve dhe se disa prej shkencëtarëve nuk kishin një “ndjenjë modestie”. Thurnherr tha që një shkëmbim i fakteve dhe mendimeve duhet të institucionalizohet për të shmangur përsëritjen e disa gabimeve të bëra gjatë krizës Covid.

Ai pati kritika veçanërisht pse qeveria ishte tepër vonë në ngritjen e task forcës së saj këshilluese, përcjell albinfo.ch.