Lamtumira e legjendës

Majlinda Kelmendi ka vendosur të pensionohet nga xhudo

Kampione olimpike, kampione evropiane dhe kampione botërore. Fituese e shumë medaljeve ndërkombëtare. Ka thyer shumë rekorde. Është shpallur Xhudistja e vitit në botë. Nuk ka pësuar humbje për disa vite. Ka fituar medaljen presidenciale nga ish-presidentja e Kosovës, Atifete Jahjaga. Jo vetëm kaq. Ajo është një shembull për çdo sportist shqiptar.0

Kjo është Majlinda Kelmendi. Krenaria e Kosovës ka vendosur të pensionohet nga xhudo, shkruan albinfo.ch.

Majlinda më 2012 përfaqësoi Shqipërinë në Lojërat Olimpike, pasi Kosova nuk ishte e pranuar. Nuk fitoi medalje, por u rikthye më e fortë, duke fituar medaljen e artë në “Rio 2016”. Pjesëmarrja e parë e Kosovës në Lojërat Olimpike dhe medalja e parë. Në Tokio nuk fitoi medalje, por rrugën e saj po e ndjekin me sukses Distria Krasniqi dhe Nora Gjakova.

Majlinda ka fituar shumë medalje në Grand Slame dhe Grand Prix. Ajo ishte një frymëzim dhe inspirim për sportistët e rinj. Kelmendi jetësoi ëndrrën duke fituar medalje olimpike. Ajo mbetet krenaria e Kosovës dhe sportistja e parë që fitoi medalje olimpike për shtetin e Kosovës.

---