Lajme
6 vjet e gjysmë burg kosovarit 20 vjeçar për vrasjen e moshatarit nga pakujdesia
Viktima i kishte kërkuar autorit të krimit të largohej nga kremtimi. Pastaj, kosovari, tani i dënuar, e kishte therur nikoqirin disa herë me thikë, duke e lënë të vdekur
Një vrasës me thikë njëzet vjeçar u dënua në Karlsruhe Në janar të këtij viti ai ka goditur me thikë një të ri 19 vjeçar pas një ahengu në Karlsruhe, i cili ka vdekur më vonë, po atë mbrëmje.
Kosovari 20 vjeçar është dënuar të martën në Karlsruhe me gjashtë vjet e gjysmë burg për të rinjtë.
Një zëdhënëse e Gjykatës së Landit në Karlsruhe ka konfirmuar këtë lajm për t-online. Gjykata ka konstatuar se vrasja nga pakujdesia është dëshmuar, transmeton albinfo.ch.
Autori i krimit, me prejardhje nga Kosova, kishte marrë pjesë në një aheng në banesën e viktimës në lindje të Karlsruhe natën e 8 janarit. Rreth orës 1:45 të pas mesnatës, viktima i kishte kërkuar autorit të krimit të largohej nga kremtimi, transmeton albinfo.ch. Pas një beteje fjalësh në shkallët e shtëpisë, tani i dënuari kishte nxjerrë një thikë dhe kishte therur nikoqirin disa herë në pjesën e sipërme të trupit. 19-vjeçari kishte vdekur në vend.
Rreth orës 5 të mëngjesit autori, atëbotë 19-vjeçar, ishte arrestuar. Policët kishin konstatuar një dehje të lehtë tek ai dhe kishin siguruar armën me të cilën mendohet të jetë bërë krimi.
Zyra e prokurorit publik ka kërkuar një dënim të të rinjve prej shtatë vjet e gjysmë për vrasje pa dashje. Mbrojtja, nga ana tjetër është deklaruar për veprën penale dëmtim trupor që ka rezultuar në vdekje dhe ka kërkuar një dënim me katër vjet e gjysmë burg për të rinjtë. Por duke konstatuar se bëhet fjalë për një akt të rëndë, gjykata ka vendosur për gjashtë vjet e gjysmë. Dënimi maksimal për një rast të tillë do të kishte qenë dhjetë vjet burg, pasi autori i krimit ishte dënuar sipas ligjit penal të të rinjve.
Autori i vrasjes është shprehur në procesin gjyqësor se para se ta bënte krimin ishte ndier i trajtuar “si qen” nga viktima, përcjell albinfo.ch. I dënuari tani kërcënohet me dëbim në Kosovë. Ai ndodhet në paraburgim tashmë gjashtë muaj e gjysmë.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla