Keqkuptimi mbi certifikatën e Covid në kufirin Zvicër-Itali

(KEYSTONE/Laurent Gillieron)

Punëtorët ndërkufitarë që shkojnë në vendet e tyre të punës në Zvicër përjashtohen nga paraqitja e kartave të tyre shëndetësore në doganë.

Sidoqoftë, gazeta Corriere del Ticino raporton se rojat kufitare zvicerane kërkojnë këto certifikata, “duke krijuar konfuzion” në pikat kufitare, sipas deputetit lokal, Stefano Candiani.

Candini raportoi këto “kërkesa të paarsyeshme dhe të panevojshme” në Ministrinë e Brendshme të Italisë.

“Kontrollet e tepërta dhe të pakërkuara diskriminojnë udhëtarët italianë që shkojnë në Zvicër dhe nxjerrin në pah një mungesë koordinimi të së cilës viktimat e stafit kufitar janë vetë, pasi atyre u mungojnë pa dyshim indikacionet e nevojshme dhe të sakta”, pohon Candioni, përcjell albinfo.ch.