Kurti thirrje mërgimtarëve që të investojnë në “Bonot e Diasporës”

Albin Kurti me video mesazh

Nëpërmjet një video mesazhi, kryeministri i vendit, Albin Kurti, u ka bërë thirrje të gjithë mërgimtarëve që të investojnë në Bonot e Diasporës, përcjell albinfo.ch.

Kurti thotë se kjo është një mundësi e mirë që mërgimtarët të ndihmojnë në zhvillimin e vendit dhe njëkohësisht të përfitojnë nga një investim që është i garantuar nga shteti.

“Kanë mbetur edhe pak ditë për të investuar në Bonot e Diasporës. Bonot e Diasporës janë një mundësi e mirë që ju të ndihmoni zhvillimin e vendit dhe njëkohësisht të përfitoni nga një investim që është i garantuar nga shteti”.

“Fondet që investoni në Bonot e Diasporës hyjnë në buxhetin e shtetit, dhe me ato fonde ne do t’i mbështesim prodhuesit vendorë për të rritur kapacitetet e prodhimit”, thotë Kurti.

Video-mesazhi i plotë: https://www.facebook.com/watch/?ref=external&v=1174135406396342

---