Nga 1 shtatori, dokumentet e Covid-19 për hyrje-dalje në Maqedoni, obligative

KEYSTONE/EPA/GEORGI LICOVSKI

Mësohet se nga 1 shtatori i vitit 2021 shtetasit vendas dhe të huaj që hyjnë në territorin e Republikës së Maqedonisë së Veriut duhet të paraqesin-certifikatën e vaksinimit nga virusi SARS-CoV-2, marrjen e të paktën dy dozave të vaksinës, ose certifikatë/vërtetim për kalimin e COVID-19 në 45 ditët e fundit, ose vërtetim mjekësor me rezultat negativ nga testi PCR SARS-CoV-2, 72 orë para hyrjes në territorin e Republikës së Maqedonisë së Veriut, përcjell albinfo.ch.

“Për qytetarët maqedonas që do të kthehen në vend pas 1 shtatorit dhe nuk kanë test PCR, ose certifikatë për vaksinim ose që e kanë kaluar KOVID-19, do të caktohet masë karantine prej 7 ditësh izolim në shtëpi me vendim të Inspektorati Shtetëror Sanitar dhe Shëndetësor”, theksohet në vendimin e seancës së sotme të qeverisë.

Po ashtu, theksohet se shtetasit e huaj që kalojnë tranzit në vend do të mund ta bëjnë këtë në afat prej 5 orëve me deklaratë të nënshkruar paraprakisht në hyrje të vendit, të cilën duhet ta dorëzojnë para kontrollit kufitar në dalje nga vendi.