Takim vjetor i anëtarëve të shoqatës “Së bashku”, në Bernë

Nga bordi udhëheqës do të raportohet për punën e bërë në shtëpinë për njerëzit me nevoja të veçanta në Mitrovicë

Më 18 shtator 2021, duke filluar nga ora 16:00, në Kirchgemeindehaus Bethlehem, Eymattstrasse 2b, 3027 Bern, organizohet Asambleja Vjetore nga anëtarët dhe përkrahësit e shoqatës “Së bashku” e iniciuar nga humanistja e ndjerë Fatime Mahmuti, bëhet e ditur në një njoftim për media nga kjo shoqatë, shkruan albinfo.ch.

Në këtë takim, nga bordi udhëheqës do të raportohet për punën e bërë në shtëpinë për njerëzit me nevoja të veçanta në Mitrovicë, pastaj do të ketë edhe raporte ekspertësh dhe do të shpalosen synimet për të ardhmen.

Përveç mbledhjes formale, anëtarët do të kenë mundësinë të informohen si dhe të ndihmojnë projektin aktual “Së bashku” për njerëzit e hendikepuar në Mitrovicë.

Në përfundim ofrohet byfe me ushqime tradicionale kosovare.

“Prezenca juaj do të na japë fuqi në përballimin e mungesës së Fatime Mahmutit dhe buzëqeshjes së saj të përhershme me ndihmën e pakursyer në shërbim të njerëzimit. Gjithashtu përkrahja juaj financiare do të lehtësoj punën tonë në zhvillimin e qendrës për njerëzit me nevoja të veçanta, në Mitrovicë”, thuhet në njoftim.

---