Testet Covid u kushtojnë taksapaguesve mbi 4 milionë franga në ditë

( Jan Woitas/dpa via AP)

Kostoja e shqyrtimit të koronavirusit – dhe kush duhet të paguajë për të – po ngjall polemika në Zvicër, me Këshillin Federal dhe Parlamentin që nuk pajtohen për këtë çështje, përcjell albinfo.ch.

Ministri i Shëndetësisë, Alain Berset, njoftoi se testet nuk do të jenë më falas për banorët e pavaksinuar, por partitë politike nga e majta dhe e djathta po këmbëngulin se qeveria duhet të vazhdojë të paguajë për testet e antigjenit për aq kohë sa kërkesa për certifikatën Covid mbetet në vend, domethënë deri më 24 janar 2022 së paku.

Nëse testet do të mbeteshin falas deri në këtë datë, ato do t’i kushtonin qeverisë federale rreth 770 milionë franga.

Këshilli i Shteteve do të shqyrtojë sot këtë çështje.