Zvicra edhe këtë vit do t’i lëvizë akrepat

Edhe këtë vit ndryshimi i orës së tetorit do të ndodhë

Ani pse thuhej se shumë shpejt pritet se ora do të qëndrojë e njëjta, duket se edhe këtë vit ndryshimi i orës do të jetë si vitetet më parë, transmeton albinfo.ch.

Ndryshimi i orës në Evropë u vendos si ligj evropian në vitin 1981. Zhvendosja e akrepave në Evropën Perëndimore është vendosur në fillim të viteve ‘70-ta me shpjegimin se me këtë “zgjatet” dita, rritet produktiviteti, përmirësohet aftësimi i njerëzve dhe dita e punës bëhet më efikase.

Megjithatë, Bashkimi Evropian do të heqë dorë nga ndryshimi dy herë në vit i akrepave të orës, e për këtë u ka dhënë vendeve anëtare kohë deri vitin 2021 për të vendosur nëse duan të qëndrojnë me orën verore apo atë dimërore.

Mirëpo kjo nuk ndodhi.

Zvicra dhe shumë shtete evropiane të dielën, 31 tetor, orët do të kthehen një orë mbrapa, nga ora 3 e mëngjesit në 2 e mëngjesit.

Si çdo vit në javën e fundit të tetorit do të përfundojë ora verore, akrepat e së cilës do të kthehen 60 minuta prapa dhe zgjat deri në fundjavën e fundit të marsit.

Lajmi i mirë është se të gjithë ne flemë një orë shtesë. Lajmi i keq është se do të errësohet herët në mbrëmje.

 

---