Kosova
Mësimdhënës nga Zvicra priten nga ministrja e Arsimit, Arbërie Nagavci
Ministrja e Arsimit, Shkencës, Teknologjisë dhe Inovacionit të Kosovëa, Arbërie Nagavci, ka pritur një grup mësimdhënësish të niveleve të ndryshme nga Zvicra, të prirë nga kryetari i Lidhjes së Arsimtarëve dhe Prindërve Shqiptarë në Zvicër (LAPSh), Nexhat Maloku.
Ministrja Nagavci i ka falënderuar mësimdhënësit zviceranë për vizitën e tyre në Kosovë dhe interesimin për t’u njohur me sistemin e arsimit në vendin tonë. Ajo shprehu gatishmërinë e saj për të bashkëpunuar në projekte të përbashkëta që do të ishin të rëndësishme për të dyja vendet, sikur që është shkëmbimi i nxënësve.
Ministrja i informoi mësimdhënësit zviceranë për mënyrën se si është i organizuar sistemi arsimor në Kosovë, si dhe përgjegjësitë që ka Ministria dhe komunat në këtë drejtim, transmeton Albinfo.ch.
Ministrja Nagavci foli gjithashtu për organizimin e mësimit në kushte të pandemisë COVID-19 dhe skenarët që po aplikohen në këto kushte, ndërsa theksoi faktin se një pjesë e madhe e shkollave në Kosovë aktualisht janë duke punuar me prani fizike dhe orë të plota mësimore.
Gjatë takimit u bisedua edhe për kurrikulat, arsimin dhe aftësimin profesional, përgatitjen e mësimdhënësve, vaksinimin e mësimdhënësve dhe stafit tjetër në shkolla, mësimin digjital dhe ndihmën e donatorëve në zhvillimin e arsimit në Kosovë, por edhe për mënyrën se si janë të organizuara segmente të caktuara të arsimit parauniversitar në Zvicër.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve