Lajme
Hizdri Gubetini, kampion në garën ndërkombëtare të aeronautikës “OLUDENIZ AIR GAME FESTIVAL”
Hizdri Halit Gubetini, i lindur më 8 prill të vitit 1977 në Polenicë, paralagje e Podujevës, qysh si fëmijë ka ëndërruar fluturimin në ajër.
Edhe pse mjeshtëria e fluturimeve në lartësitë e qiellit bart në vete rreziqe të shumta për jetën, Hizdriu asnjëherë nuk është zmbrapsur nga ky aktivitet i rrallë sportiv në vendin tonë.
Ai në kushte tepër të rënda pune, fal këmbëngulësisë dhe dëshirës për ta masivizuar edhe jashtë trojeve tona Aeronautikën, ka përballuar dhe sfiduar probleme nga më të ndryshmet.
Vetëmohimi dhe puna e pandërprerë bënë që Gubetini të stoliset me trofe të shumta, si në garat rajonale dhe ato ndërkombëtare.
Ai në një konkurrencë tejet të fortë në garat ndërkombëtare “OLUNDENIZ AIR GAME FESTIVAL” të zhvilluara më 20 – 24 tetor të këtij viti në Oludeniz-Fetiye të Turqisë, ka lënë pas vetes 55 aeronautistë të njohur të botës.
Me këtë arritje të jashtëzakonshme, Gubetini, përveç suksesit personal, e ka ngritur në piedestal edhe Republikën e Kosovës, e cila, edhe pse shtet i ri, shkëlqeu në këtë sport mjaft tërheqës dhe atraktiv.
Këto gara në të ashtuquajturat fluturime në tandem dhe hedhje “sky taiving” dhe “wing suit”, përveç përkushtimit të madh, kërkojnë edhe precizitet milimetrik.
Zhdërvjelltësia dhe puna e palodhshme e Gubetinit bënë që Federata Aeronautike e Republikës së Kosovës tani e tutje të jetë me rol kryesor në Aeronautikën botërore.
Shpresojmë që suksesi i Hizriut do të shpërblehet nga udhëheqësit e institucioneve tona, me ndonjë vend pune në Forcën e Sigurisë së Kosovës, ku kontributi i tij do të ishte me vlerë të shumëfishtë.
Në të kundërtën, vendet e Evropës Perëndimore me traditë në lëmin e Aeronautikës, me dëshirën më të madhe do t’ia hapnin dyert këtij profesionisti me talent të lindur në këtë disiplinë të fluturimeve ajrore.
ARIF EJUPI
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale